Нарвегія выдзеліць значныя сродкі на пераабсталяванне ў Польшчы танкаў, якія выкарыстоўваюцца ва Украіне. Гаворка ідзе пра нямецкія танкі Леопард 2 А4.
Міністр абароны Нарвегіі Б'ёрн Арыльд Грам паведаміў, што яго краіна выдаткуе на гэтую мэту прыкладна 150 мільёнаў нарвежскіх крон, гэта амаль 13 мільёнаў еўра.
Гэтыя грошы пойдуць на рамонт, запчасткі і іншую тэхнічную падтрымку танкаў у Польшчы. Раней Осла перадала Украіне восем танкаў Леопард 2 А4.
Нарвежскае ведамства паведаміла, што агульная дапамога Нарвегіі Украіне на сённяшні дзень дасягнула аднаго мільярда крон. За згаданыя грошы былі набытыя артылерыйскія снарады, процітанкавая зброя і танкі. Нарвегія таксама правяла навучанне ўкраінскіх вайскоўцаў, у тым ліку па выкарыстанні кіраваных ракет, самаходных гаўбіц і радараў артылерыйскай разведкі.
IAR/аз